عارف يعنى ايه بحبك؟

عارف يعنى ايه بحبك؟

يعنى لما ببص فى عنيك بحس ان الدنيا كلها متسواش حاجة قدامهم

يعنى لما اشوفك بتضحك احس ان الدنيا كلها مبسوطة 

يعنى لما بتدعى ان ربنا يخلينى ليك احس انك راضى عليا اوى من جواك

يعنى لما اكون زعلانة منك ميهونش عليا زعلك بردو

يعنى لما اقولك ربنا يتمم لينا على خير وتقول يارب احسها طالعة من قلبك اوى

يعنى لما يبقى نفسى اسعدك اوى اوى القيك انت اللى مخلينى اسعد واحدة فى الدنيا كلها

يعنى لما ادلع عليك شوية وتقولى يابنوتى احس انى حته منك بجد 

عرفت بقى يعنى ايه بحبك؟؟

اعجبنى

ازيكوا واحشتونى جدا بقالى كتير مش اتكلمت معاكوا

بصوا بقى النهاردة وانا قاعدة على الفيس بوك كدة لقيت فيديو اسمه " احلى أعلان ممكن تشوفه فى حياتك "

بصراحة كنت بحسب اسم وبس زى الاسماء بتاعت الفيديوهات اللى على النت بس بردو الفضول خلانى افتح اتفرج عليه

اتفرجت عليه وبجد لقيت فيه حاجات كتير مهم جدا لو عملنها فى حياتك هنعيش مبسوطين

الفيديو بيعملك ازاى تعيش مبسوط بجد والناس تحبك 

ازاى حتى لو انت مودك مش حلو ازاى تخلية يبقى حلو

عرفت ان لسه فيه حاجات كتير احنا مش عملنها

بجد انا اتبسط جدا لما شوفت الفيديو ده وعجبنى اووووى

اسيبكوا مع الفيديو شوية 

ها ايه رايكوا ؟؟؟ 

***********************

انا بصراحة معرفش مين اللى عمل الفيديو 

بس ممكن هو يكون بيدخل المدونة او البيدج بتاعتنا فا انا بقولوا بجد شكرا على الفديو بتاعك

من الصعب

من الصعب ان تتالم وانت تظهر للناس انك فى منتهى السعادة

فذلك يكون عبارة عن موت وانت على قيد الحياة

خلاص زهقت !!

انا مش عارفة انت ليه فعلا كنت مصمم تسقط من نظرى؟؟ 

انا كنت دايما بحاول اخلى صورتك قدامى زى ماهى 

بس انت كنت فاكر انك لما تدوس عليا هرجعلك 

تبقى انت مكنتش فاهم اى حاجة 

مكنتش فاهم لما قولتلك انى ممكن ادوس على قلبى لو جرحتنى

ومكنتش فاهم يعنى ايه لما اقولك انك مش هينفع متفرقش معايا

لكن لو كنت فاهم كنت عرفت 

انى امراة نص كيانها كبرياء ونصها الاخر كرامة 

بصراحة انا مبسوطة اوى دلوقتى لانك نجحت فى انك تسقط من نظرى 

وكمان سقط من قلبى لانك بصراحة متستهلش

وبجد انا مش زعلانة منك انا زعلانة عليك 

لانى انا اللى كنت الحاجة الوحيدة الصح فى حياتك

وانت كنت الحاجة الغلط اللى فى حياتى بس الحمد الله انك مش الغلط الوحيد 

لانك لو الغلط الوحيد كنت هتبقى اسواء حاجة فى حياتى

وانا ميشرفنيش انك تبقى اسوء حاجة فى حياتى

واكدتلى المقولة ديه جدا :

"

لا تنزعج عندما ترى محبوبكـ مع شخص آخر

فتأكد ان الحذاء ما بيطلع شكله حلو الا لما يكون مع الفردة الثانيه

" 

ساكتة

ساكتة علشان زعلانة 

حتى الحاجات الحلوة مش بتدوم

بجد انا زعلانة اوووووى

يــــــــارب

وكانت مجرد فكرة !!

عندما اطرح فكرة بعدك عنى على عقلى 

يمر امام عينى ايامنا التى عشنها سويا 

كيف انى كنت ارى الدنيا بعيونك 

فقد رايت فيك ابنائنا و بيتنا وحياتنا 

فارفض مجرد فكرة بعدك عنى 

واتذكر وعدك لي ب أنى لك 

ويبقى بعدك عنى مجرد فكرة 

ايوة بكرهك !!!!!!!!!

بكرهك ايوة بكرهك

مستغرب ليه؟؟ 

بتوجعك انا كنت لازم اوجعك زى ما وجعتنى

يوم ما قولتلى انك خلاص مبقتش ليا

 انك بقيت بتحس بحد غيرى ومبقتش تحس بيا

لما الاقى فى عيونك نظرة حب مش ليا

يبقى بكرهك

لما الاقى فى قلبك حنية لحد ومتكونش ليا

ممكن اكون تعبتك بس ولا جرحتك ولاخونتك

كان دايما وعدك ليا انك عمرك ماهتبقى لحد غيرى

ودلوقتى جاى تقولى انك مبقتش ليا

يبقى لازم اكرهك

اجمل احساس

بجد انتوا واحشتونى جدا 

انا عارفة انى بعدت عنكوا فترة بس كان فيه شوية ظروف كدة

المهم 

أحساس حلو جدا انك تشوف اثنين بتحبهم بجد مبسوطين

اخويا وصحبتى اثنين انا بحبهم جدا 

شوفت فى عيونهم الفرحة يوم خطوبيتهم بجد احساس منتهى الروعة

احساس الفرحة انهم اخيرا اتخطبوا 

اتعلمت منهم ان اللى بيصبر بينول 

اتعلمت كمان ان الحب مش خروج وفسح وكلام بالساعات فى التليفون 

اتعلمت ان ممكن نظرة تغنى عن مائة كلمة 

بجد شكرا ليك يا مصطفى وشكرا يا إسراء 

ربنا يارب يتمملكوا على خير 

" هى ديه الظروف اللى كانت بعدتنى عنكوا "

بس احلى ظروف حصلتلى بجد 

كبريائى

انا عمرى ما هسمحك  

حتى لو جيت تبكى قدامى علشان اسامحك

هبقى فرحانة جدا فيك 

بس كدة 

تعلمت من حياتى

تعلمت من حياتى ان لا اكون مجرد انسانة 

يسعدها لقاء ويجرحها فراق

ولكنى  اكون انسانة 

سعادتى من ايمانى 

وقوتى من فكرى 

تميزى من ابداعى

نجاحى من مجهودى

كبريائى فى صمتى

ولكن ثقتى من الله

فالله هو من منحنى قوتى وقت محنتى

    

دموعنا

عندما تتساقط الدموع من اعيننا 

 فهذا يعنى اننا نزيل جزء من همومنا

علمتنى ازاى أحبك

علمتنى ازاى أحبك

 بس معلمتنيش ازاى اقوى قلبى على حب قلبك 

تفتكر ده ضعف منى

 ولا أنانية منك و من حبك ؟؟؟

أنى راحلة

أنى راحلة عن دنيا 

فيها الكذب والخيانة

مشاعر يتم احترام صاحبها

وفيها الحب والصدق والوفاء

مشاعر يتم اهانة صاحبها

ف يا دنيا كونى رحيمة 

بناس كل ذنبها فى الحياة 

انها تعلمت الصدق والحب والوفاء

حينما اشتاق إليك

حينما اشتاق إليك أفتح نافذتى

وانظر الى السماء فا أشعر بالرضا

فأبحث عن سبب هذا الرضا الذي أشعر به 

فاتذكر انك تعيش تحت نفس السماء الذى انظر اليها 

فأيكفينى أننا الاثنين ننظر الى نفس القمر

ملكة متوجه ... !!!!!

تعلمت ان اكون ملكة متوجة على قلب من احب

لا اكون مجرد جزء من قلب من يحبنى 

فعذرا لك سيدى فانت ليس من يستحق ان اكون ملكه متوجه على قلبة

فانت فقط تستحق ان تكون مجرد شئ فى حياتى لا اتذكره

 

أما انا فسأظل ملكة متوجه على قلب من احب

حياتنا

حياتنا تتلخص في التالي: 

1 - أمان : عارفين مقولة: " ان الواحد مبيحسش بقيمة الحاجة غير ما تروح منه،، فعلا الواحد مكنش حاسس بأنه اد اية عايش في امان غير لما حس بالرعب ، ربنا يديم علينا الامن وألامان.

2 - حب: بالنسبالي زي الماية عند السمكة لو عيشت من غيرة اموت. صعب جدا الانسان يعيش من غير حب الدنيا من غير حب تبقى جهنم.

3 - خوف:

* علي انفسنا

* علي مستقبلنا

* علي ناس بنحبهم

4 - حرية: حلو انك تعيش في حرية بس من غير ما تأذي نفسك ولاغيرك.

5 - سعادة: احساسنا بيها بيخلينا نحلق فوق ماتحمله حياتنا من آلآم.

6 - أحساس:

* احساسنا بالدنيا

* احساسنا باللي حوالينا

* احساسنا بأنفسنا

7 - حبة جنان : لكسر روتين حياتنا.

وبس كدة 

( ديه وجه نظرى )

حالة غريبة !!!!

بجد انا اول مرة احس الاحساس ده 

مش عارفة اساسا انا حاسة بأيه 

مش عارفة مبسوطة ولا مخنوقة 

حاسة دماغى هتنفجر من كتير التفكير

بس مش عارفة انا بفكر فى ايه

عندى حالة من التخبط غريبة 

انا عمرى ماحصلى كدة حتى فى اصعب مواقف حياتى

بس رغم كل ده انا بضحك مش عارفة ازاى

بس عندى حالة رضا غريبة 

رضا عن حالة انا مش عارفة ممكن تخلص امتى

ولاحتى اذا كان هتخلص بسرعة ولا هفضل كدة كتير 

بجد احساس غريب وممتع ومتعب فى نفس الوقت 

حاسة انى خلاص هتجنن

بس حتى الجنون طرف انا مقدرش عليه

بس انا مش عارفة بقى !!!!!!

محدش عنده تفسير للحالة ديه ؟؟؟؟

وبس كدة صدعتكوا !

اتاري حبك ده كان وهم كبير ....

اتاري حبك ده كان وهم كبير

 بدايتة حب وعشق وكلام من القلب ونهايته جراح و اسي 

لو كنت اعلم هكذا هو حبك ماكنت احببتك يوما 

ولا كنت سمحت لحبك يخدعني ويجرح قلبي ويوجعني 

بس لعلمك هفضل احب 

و من درسك انا اتعلمت"ليس كل القلوب كاقلبي".

عاشقة النور

تعلمت ان اكون عاشقة للنور كارهة للظلام

فــ

الحق نور

والباطل ظلام

الحب نور 

والكراهية ظلام

الخير نور 

الشر ظلام

العدل نور

الظلم ظلام

ف فى النور تتضح الرؤية 

بينما فى الظلام نتخبط واحيانا نسقط 

عالم اخر

ما أجمل ان تكون فى عالم أخر ارقى واطهر من هذا العالم الذى نحن فيه حاليا

وتنظر الى هذا العالم على أنه فترة فى حياتك لاتريد حتى ان تتذكرها ولاكنت تتمنى ان تعيشها 

عندما تخليت عنى

عندما تخليت عنى

فكرت بأن اكرهك 

لكنى بعد ذلك تراجعت عن كرهى ليك

ليس حبا فيك كما تتوهم

ولكن لكى لا اولوث قلبى بكرهى لك

لم اكن الاولي في حياتك

لم اكن الاولي في حياتك ولكني سابقي الاخيرة

لاني اعطيك الحب الذي لاتجدة عند اي امرأة غيري

فاحبي لك هو حياتك و حبك لي هو حياتي

فاذا توقف حبك لي سوف تنتهي حياتي

 وعندها سوف يتوقف حبي لك و تنتهي حياتك انت الاخر

 ف أعلم اننا ليس كأي اثنين عاشقين 

فنحن وضعنا حياتنا مقابل حبنا

قسوة الحياة

عندما تفقد احساس اقرب الناس إليك بيك

عليك ان تعود نفسك على قسوة هذه الحياة عليك

حينما اتذكر

حينما اتذكر ايامي معك

 ابتسم ثم اغمض عيني محاولة تذكر ملامحك 

فاجد نفسي عاجزة عن تذكرها 

ف أعلم إنني قد شفيت من حبك 

ولم يعد يتبقي منه شيئا غير البسمة 

الخائن

الخائن هو من ابتعد عنك وانت فى الطريق لتحقيق حلمكما 

ويعطى لنفسة مبررات الابتعاد ليريح ضميرة فقط

حينما اكتب

حينما اكتب واكتب لكى اوضح ما اقصد 

ثم اقراء ما كتبت

 فا اجد ان ماكتبت هو ما بداخلى  وليس ما اقصد

اكتشف اننى انثى اعيش بقلب طفلة 

حب فى زمن خاطئ

تعرف لو حبك كان جاء فى زمان تانى

زمن لا يداس على القلوب بالاقدام

زمن لا يلعب فيه بالمشاعر

 زمن لا يستهان فيه بالحب

ولكنك جئت فى زمن بلا رحمة 

زمن يعتبر فيه الحب جريمة لابد ان نعاقب بسببها

احلى واصعب شئ !!

احلى حب هو حب كاحب الاطفال

واصعب حزن هو ان تنظر فى عين طفل ولم تراى السعادة بداخلها

فالاولى يكون حب صادق بدون اى مصالح 

 والثانى يكون حزن قبل ان يعرف ماذا يخبئ له قدره

وجوه !!!

ما أصعب ان تنظر الى الناس وتراهم عبارة عن وجوه صماء


وتكون هذه الوجوه تخفى تحتها وجوه ابشع مما تتصور

ممكن نتعرف؟

انتوا عارفين انا اكتشفت حاجة فظيعة


 بجد ان الناس تقريبا مخها صدي


الناس بقيت في منتهي الذكاء


 يعني حد يبعت رساله يقولي عاوز اتعرف اقولوا مبتعرفش يقولي انتي منين!!
 طيب انا مفروض اقولوا اية ؟ 


يعني انا نفسي افهم الولاد بيستفادوا اية لما يتعرف علي بنت؟ 


طيب فية حاجة كمان لما بنت تقول مش بكلم غير بنات تلاقي الولد عمل اكونت باسم بنت!!
بردو استفدت اية؟


 يالله نفسي تغيروا طريقة تفكيركوا


 طولت عليكوا مش كدة؟ 


بس كنت مدايقة من الموضوع دة جدا

اعلنت الحب عليك

اعلنت الحب عليك لما شوفت حبك ليا في نظرة عنيك

لما حسيته في لمسة ايدك 

لما وانا في حضنك حست اني ملكت قلبك واني نور عنيك ، 

اعلنت الحب عليك لما بتيجي تقولي بحبك وانا ايديا لامسة ايدك 

، اعلنت الحب عليك لما بحس ان انا مش هاينة عليك 

لما تنزل دمعة من عيوني وتجري تمسحها بايدك

، بقي بذمتك مش تستاهل اني اعلن الحب عليك ؟؟

اتمنى اسمع رايكوا بصراحة