مدونة بنوتة شقية Find us on Facebook

اهلا بيكوا فى مدونة بنوتة شقية يارب المدونة تعجبكوا واتمنى تقولوا رايكوا فى المواضيع

الأحد، 2 سبتمبر 2012

أنتظرك


انتظرك كما تنتظر الأميرة فارسها 

فأنت فارسى الذى عيشت احلم به طوال حياتى

ذلك الفارس الذى يأتى ويخطفنى على حصان أحلامى  التى لا تموت

يخطفنى ويذهب بى الى عالمنا الخاص جدا 

أنتظرك واعلم جيداً أنك سوف تأتى قريبا 

وربما قريب جدا و أعلم أنك لن تتأخر علىٍ أكثر من هذا 
"أنتظرك"
                                                                               

الأحد، 17 يونيو 2012

اعادة الانتخابات





ناس تقولك هنتخب شفيق علشان احسن مرسى و الاخوان واللى نعرفوا احسن من اللى منعرفهوش

وناس تقولك انا هنتخب مرسى من مبدا الحب بيجى بعد الانتخابات

انا مش فاهمة هى ديه انتخابات رئاسة ولا جوازة 

الأحد، 10 يونيو 2012

الحزن




الحـــــــزن 

هو احساس يقتل كل ماهو جميل بداخلنا 

حتى احساسنا بأنفسنا

السبت، 9 يونيو 2012

يا الله



عندما تضيق عليك الدنيا 

عليك ان تتذكر 

ان الله قادر على كل شئ

الأحد، 3 يونيو 2012

انتخابات الرئاسة 2012




كل البلاد بتخار الرئيس اللى هيفيد البلد

إلا مصر 

بنختار الرئيس عند فى بعض 

السبت، 2 يونيو 2012

محاكمة مبارك



ليه تأخذ إعدام لما ممكن تأخذ براءة

و أدى البراءة. وبلدكوا عندكوا ومكنتش بتتسرق ولا حاجة بطلوا بقى تفتروا على الناس :)

اه وعلى فكرة مفيش متظاهرين اللى ماتوا دول كانوا كلهم فتوشوب أصلا

والحكم بتاع ال25 سنة ده ظالم جدا الناس معملتش حاجة حرام عليكوا بقى

( الواحد حاسس أنه كان عايش فى حتة تانية مصر محصلش فيها ثورة أصلا)

و القاضي ابن اللذينه ضحك علينا بالمقدمة الطويلة العريضة ديه

و (المتهمين) الحقيقة كان باين انه مش هاممهم اى حاجة 

بصراحة ليهم حق لانه لما يعملوا استئناف يخدوا براءة وخلاص 


 ( أنا هطق على فكرة )

السبت، 19 مايو 2012

احلام سعيدة




بحبك لدرجة انك لما بتنام  وتسيبنى

 بحسد اى حد بتشوفوا فى احلامك حتى لو انا

تصبح على خير 

 

الجمعة، 18 مايو 2012

بــحـــبــــك




كل مدى بعرف قد ايه انت ارجل حد ممكن اشوفوا فى حياتى

لما تيجى على نفسى علشان كلمة وعدتنى بيها تبقى ارجل واحد فى الدنيا

لما تبقى بتعمل حاجة غصب عنك علشانى تبقى احسن واحد فى الدنيا

لما تقرر انك تعمل حاجة مكنتش ممكن تعملها لو انا مش مسؤلة منك 

يبقى تستاهل انى اعمل علشانك اى حاجة وتستاهل انى استناك عمرى كلوا

مـــــــــــســــــــــــتــــــــــنـــــــــــيــــــــــــاك

ياااااااارب ترجعلى بألف سلامة

بــــحـــــبــــــك جـــــدا

الاثنين، 7 مايو 2012

مجرد فضفضة



مخنوقة

 لدرجة انى حاسة الجو مفيهوش اكسجين

 ومش عارفة اتنفس


السبت، 17 مارس 2012

الدنيا من غيرك






عارف الدنيا من غيرك عاملة زى ايه ؟؟

زى الساعة من غير عقارب 

زى الكمبيوتر من غير شاشة 

زى العربية من غير موتور 

زى الشقة من غير باب

بص بقى من الاخر كدة 

الدنيا من غيرك وحشة اووووووووووووى وملهاش اى لازمة 

واحشتنى جدااااااااااااااا

السبت، 25 فبراير 2012

عارف يعنى ايه واحشتنى !!!






 يعنى ببقى نفسى اجرى عليك وتاخدنى فى حضنك و اهمس فى ودنك وحشتنى

يعنى قلبى يدق جامد اوى اول مايلمحك جاى من بعيد

يعنى اصحى فجاه ف وسط الليل ادور عليك لانى كنت حاسة بيك جمبى 

يعنى اقرا المحادثات بتاعتنا مليون مره .. وكل مره كانها اول مره

يعنى ابقى بلف حوالين نفسى .. عماله ادور عليك

يعنى معرفش اتقل عليك لانك بجد ... وحشتنى

يعنى افتح الصور بتاعتك وافضل اكلمها واحكيلها قد ايه انت واحشتنى وقد ايه انا بحبك

واحـــــــــــــشــــــــــــــتـــــــــــنـــــــــى جــــــــــــدا


يارب ترجعلى بألف سلامة

السبت، 11 فبراير 2012

فقدان فى الذاكرة



احتاج ان اصاب بفقدان فى الذاكرة 

فهناك بعض الاشخاص لم اعد اتحمل وجودهم فى حياتى اكثر من ذلك

اريد ان اعيش لحظات بدون ذكراهم


وهناك بعض الافعال اريد ان امحيها من حياتى 

وهناك بعض الفترات من حياتى اريد ان انتزعها من داخلى 

فقط فقدان الذاكرة هو الذى لديه قدرة ان يعيدنى طفلة تكتشف العالم من جديد

الأربعاء، 1 فبراير 2012

يعنى ايه ؟؟ ( ماتش الاهلى والمصرى )


يعنى ايه ؟؟



يعنى ايه تبقى رايح تشجع فريقك ترجع لاهلك ميت ؟؟

يعنى ايه تدى لنفسك حق تقتل واحد علشان هو بيشجع فريق غير فريقك ؟؟

يعنى ايه تبقى مسؤل عن تأمين مكان وتبقى واقف تتفرج على الناس وهى بتموت ؟؟

يعنى ايه ام تفارق ابنها بسبب ماتش كورة ؟؟

يعنى ايه يموت 80 واحد بسبب ماتش كورة ؟؟

يعنى ايه تبقى ماسك البلد وتسيب الناس تموت علشان مش عاوز تسيب السلطة وعاوز ترجع قانون الطوارئ ؟؟

انا مش عارفة يعنى ايه !!!!

ربنا يصبر كل أم فرقت ابنها 

ربنا يرحم كل اخوتنا اللى ماتوا النهاردة 

الفاتحه لاخواتنا الشهداء

{ بِسْمِ اللَّهِ الرَّحْمَنِ الرَّحِيمِ (1) الْحَمْدُ لِلَّهِ رَبِّ الْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7) }


بجد انا زعلانة جدا 

الأحد، 1 يناير 2012

سنة 2012 ( كل سنة وانا حبيبتك )



كل سنة وانت حبيبى وانا حبيبتك

 كل سنة وانت ليا اب واخ وابن وحب

كل سنة وانا فرحانة انك ليا بخير

 كل سنة وانت لربنا اقرب

 كل سنة وانت احسن راجل فى الدنيا

 كل سنة وانت مبسوط بيا انى جمبك


كل سنة وانا ليك زى ما تحب

كل سنة وانت ليا كل حاجة حلوة فى الدنيا كلها