ازيكوا ياحلوين يارب تكونوا بخير بصوا النهاردة عاوزة اخد رايكوا فى موضوع مهم
كنت فى منتدى مشاركة فيه وكان فيه رد جالى على موضوع من مواضيعى
كان الرد فيه سؤال ليا والسؤال اهو :
ولكن ما رأي حضرتك فيمن يريد الزواج من اخرى وذلك لقصور في الزوجه الاولى |
وانا كان ردى كدة
انا مش بعترض على الزواج التانى لانه حلال وربنا اللى قايل كدة
بس قبل ما تفكر فى الزواج التانى ده ممكن تسال نفسك كام سؤال :
ياترا الزوجة الاولى ديه مقصرة ليه؟؟
مش يمكن تكون نفسها تربى ولادك احسن تربية ؟؟
مش يمكن هى مش حاسة انها مقصرة ؟؟
مش يمكن انت كمان مقصر؟؟
التقصير مش بيكون من الناحية المادية بس
طيب بدل ما تفكر تتجوز عليها ماتشوف هى مقصرة فى ايه وتحاول تصلحة
ومتقوليش مفيش فايدة !!!
جرب الاول وبعدين تبقى تعرف فيه فايدة ولا لا
ومتقولش مش ليك خلق .. اشمعنا هى لازم يبقى ليها خلق لكل حاجة
وبعدين انت تضمن منين انك لو اتجوزت واحدة تانية متقصرش هى كمان ... ساعتها هتفكر تتجوز الثالثة 
البنت او الست بتيجى بالكلمة الحلوة و بالمعاملة الكويسة ونبهها انت حاسس انها مقصرة فى ايه
عامل مراتك انها حبيبتك وصحبتك وعشيقك وصدقنى لو فهمت هى مقصرة فى ايه اكيد مش هتفضل مقصرة
اكيد مش هتبقى حابة انها تحس انك مش مبسوط
واكيد هى مش بتعاندك علشان تقصر
لما تبقى تخلص كل المحاولات تبقى تفكر تتجوز تانى
ويارب اكون قدرت افيدك
انا عاوزة اعرف ايه رايكوا فى الموضوع ده ياجماعة
موضوع للمناقشة!!
على فكرة بقى انا قريت ان الزواج التاني بينشط العلاقة في الزواج الاول وان ده في مصلحة الزوجة الاولى بس اكيد لما الزوج بيفتقد حاجة في الزوجة بيدور عليها برا وانتو عارفين في ناس كتير مش لاقية راجل فابتتلزق بقى بس انا بشوف ان الزواج التاني في منفعة ومضرة في نفس الوقت
ردحذفeng.esraa